22 Agosto 2011
28 Agosto 2010
Quinta edición do concurso de Receitas con Requeixo
A quinta edición do concurso de Receitas con Requeixo de A Capela celebrouse o 27 de agosto, co seguinte resultado:
Receitas doces
1º premio; Santiago Fernández cunha tarta de froitas e requeixo
2º premio: Marta Soto cunha tarta de peras e requeixo
Receitas salgadas
1º premio: Marta Soto cun pastel de verduras
2º premio: Rocio Permuy cun cabaciño recheo de requeixo
O xurado estivo composto por Tomás Alonsom, presentador do programa Larpeiros da Televisión de Galicia, Manuela Permuy, presidenta da Cooperativa da Capela, Final Casal, do restaurante A Palma no que tivo lugar o concurso, e Ángeles, da panadería Vilar de Mouros.
Nas fotografías, o prato que conseguiu o primeiro premio na categoría de doces e os premiados en ambas categorías en compañía de Tomás Alonso.
31 Marzo 2010
Pizza de requeixo da Capela, espinacas e piñóns
O blog La cocina delokos, un dos referentes en España en canto a cociña vexetariana, publica unha estupenda receita de pizza de requeixo, espinacas e piñóns elaborada con requeixo da Capela, tal como indica o autor, que noutro post do mesmo blog fala do noso requeixo, afirmando; “En fin, un producto estupendo, típico gallego, cuasi artesanal y con sabor auténtico.”
Foto: La cocina delokos
20 Marzo 2010
Imáxenes do Forum Gastronómico
O requeixo da Capela estivo no Forum Gastronómico Santiago 2010, no que tivo protagonismo tanto no stand da Cooperativa como na ponencia de Alfonso García, de Casa Pendás, e no taller de Beatriz Sotelo, de A Estación, que cociñaron co noso requeixo.
De seguido amosamos algunhas das imaxenes da nosa presenza no Forum.
Visita do Conselleiro de Medio Rural, Samuel Juárez, ao stand da Cooperativa
Alfonso García (Casa Pendás) traballando co requeixo da Capela en presenza de Tomás Alonso, do programa “Larpeiros” da TVG.
Os platos elaborados por Alfonso García
Beatriz Soltelo (centro), Ana Vence, da Cooperativa da Capela (esquerda) e o sumiller e catador Luís Paadín (dereita)
Beatriz Sotelo (restaurante A Estación) en plena elaboración.
E os platos de Beatriz Sotelo
16 Febrero 2010
O requeixo da Capela, no Forum e nos medios de comunicación
A nova da presenza do requeixo da Capela no Forum Gastronómico Santiago 2010 foi recollida por diversos medios de comunicación escritos e radiofónicos. Hoxe podemos ofrecer enlaces coas novas publicadas en La Voz de Galicia, a web da Cope, Galicia Gastronómica, La Region ou Galicia Hoxe.
15 Febrero 2010
O REQUEIXO DE A CAPELA, PROTAGONISTA NO FORUM GASTRONÓMICO
- Beatriz Sotelo realizará un taller con degustación sobre “O requeixo na cociña de hoxe” no que empregará requeixo de A Capela
- O noso produto tamén estará na presente na ponencia de Alfonso González, de casa Pendás
- O domingo haberá unha degustación no espazo da Consellería de medio RuralO requeixo da Capela tamén estará entre os produtos do Eume que protagonicen o taller Comarca do Eume, naturaleza, patrimonio e gastronomía
O requeixo da Cooperativa da Capela terá un protagonismo especial no Forum Gastronómico que se celebra en Santiago de Compostela do 20 ao 24 de febreiro, co degustacións, demostracións de elaboración de pratos con requeixo e a súa inclusión entre os produtos que se van empregar nunha das ponencias do congreso profesional que se desenvolve no marco do Forum.
O día 21 de febreiro, ás seis da tarde, haberá unha degustación de requeixo da Capela no marco do espazo da Consellería de Medio Rural. Trátase dunha actividade aberta ao público, posto que este día o Forum Gastronómico abre as súas portas a todo aquel que desexe participar no mesmo.
O mesmo día 21 o requeixo da Capela estará entre os produtos da comarca do Eume que protagonizarán o taller “Comarca do Eume, naturaleza, patrimonio e gastronomía”.
Xa no marco do Congreso profesional, que reunirá aos mellores cociñeiros de España e Europa, o requeixo da Capela será o protagonista o día 23 dun taller impartido pola cociñeira Beatriz Sotelo, do restaurante A Estación (Cambre) e gañadora do premio “Cocinero del año”.
Beatriz Sotelo realizará un taller, no espazo da Consellería de Medio Rural, sobre “O requeixo na cociña de hoxe”, amosando a elaboración de diferentes receitas nas que o requeixo da Capela se converte en protagonista esencial. Os asistentes a este taller poderán, ademais, degustar as receitas elaboradas pola cociñeira.
Finalmente, o día 24 e na sala Auditorio, con capacidade para varios centos de persoas, desenvolverase a ponencia “Galicia: cociñeiros distantes, paisaxes distintos para un territorio culinario único”, na que Alfonso González (Casa Pendás, Narón), e María Varela (A Parada das Bestas, Palas de Rei, Lugo) amosarán a súa cociña. Nesta ponencia Alfonso Varela amosará algunhas receitas elaboradas con requeixo da Capela.
O requeixo da cooperativa Campo Capela é un produto moi especial, xa que segue producíndose con leite cru, como antigamente se facía nas casas, inda que agora coa máis moderna tecnoloxía, o que permite garantir o cumprimento de tódolos requisitos hixiénico sanitarios e de calidade.
Tradicionalmente o requeixo consumiuse en Galicia como sobremesa, adozado con azucre ou mel, pero o libro “Receitas con requeixo”, publicado pola cooperativa, demostra que pode ter multitude de usos diferentes, empregándose o mesmo para unha gran variedade de pratos doces como noutros pratos salgados. O libro, en formato pdf, pódese consultar no blog da Cooperativa: www.coopcapela.com/blog
Cabe salientar que o requeixo da Capela foi degustado polos asistentes ao congreso gastronómico Madrid Fusión 2009 na comida servida no mesmo por Beatriz Sotelo e o equipo do seu restaurante.
Ademais de requeixo, a cooperativa Campo Capela produce queixo fresco e queixo do país, así como manteiga e nata, todo elo elaborado con leite cru. A manteiga e a nata, resultantes do proceso de elaboración do requeixo son, xunto co requeixo mesmo, produtos únicos en Galicia polas súas especiais características.
14 Febrero 2010
Receitas con requeixo
“Receitas con requeixo”, libro publicado pola Cooperativa Campo Capela, contén 18 receitas de cociñeiros profesionais, entre os que destacan as achegadas por Beatriz Sotelo , gañadora do concurso “Cocinero del Año” celebrado en 2008 en Barcelona, membro do Grupo Nove e chef do restaurante La Estación (Cambre, A Coruña), cunha estrela Michelín, e Pedro Roca, un dos mellores cociñeiros de Santiago de Compostela, onde se sitúa o seu restaurante “Pedro Roca”.
Tamén hai receitas da tapería Contrapunto (A Coruña) e de establecementos hostaleiros de A Capela, como a panadería Vilar de Mouros, restaurantes (Casa Peizás, A Palma, Casa Pepe, Casa Toñita, Mesón O Pazo) e casas de turismo rural (Casa Castoar, Casa A Lagoa). No libro tamén se recollen receitas presentadas por afeccionados ao concurso de sobremesas que cada ano ten lugar no concello de A Capela.
O requeixo da cooperativa Campo Capela é un produto moi especial, xa que segue producíndose con leite cru, como antigamente se facía nas casas, inda que agora coa máis moderna tecnoloxía, o que permite garantir o cumprimento de tódolos requisitos hixiénico sanitarios e de calidade.
Tradicionalmente o requeixo consumiuse en Galicia como sobremesa, adozado con azucre ou mel, pero “Receitas con requeixo” demostran que pode ter multitude de usos diferentes, empregándose o mesmo para unha gran variedade de pratos doces como noutros pratos salgados. Cabe salientar que o requeixo da Capela foi degustado polos asistentes ao congreso gastronómico Madrid Fusión 2009 na comida servida no mesmo por Beatriz Sotelo e o equipo do seu restaurante.
Ademais de requeixo, a cooperativa Campo Capela produce queixo fresco e queixo do país, así como manteiga e nata, todo elo elaborado con leite cru. A manteiga e a nata, resultantes do proceso de elaboración do requeixo son, xunto co requeixo mesmo, produtos únicos en Galicia polas súas especiais caracterísiticas.
A Cooperativa Campo Capela pon agora o libro, en formato pdf, a disposición de quen esteña interesado no mesmo. Picar aquí
24 Noviembre 2009
O requeixo de Campo Capela, en El Correo Gallego
Campo capela ofreceu os días 20 e 21 de novembro unha degustación de requeixo para os clientes do Centro Comercial Compostela (Hipercor), de Santiago de Compostela.
A nova apareceu reflectida no diario local, El Correo Gallego, na súa edición do 22 de novembro.
19 Noviembre 2009
Degustacións de requeixo da Capela en centros comerciais de Santiago, Pontevedra, A Coruña e Ferrol
Os días 20 e 21 de novembro a Cooperativa Campo Capela ofrecerá unha degustación de requeixo tanto aos coñecedores do produto como a aqueles que aínda non tiveron ocasión de probalo nunca.
Será nas instalacións de Hipercor, en Santiago de Compostela, en horario de 11,30 a 14,30 pola mañá e entre as 18:30 e as 20:00 pola tarde.
Tamén haberá degustacións no Supercor de Pontevedra (28 de novembro), Supercor Casa del Agua (5 de decembro) e Supercor Ferrol (19 de decembro)
8 Noviembre 2009
KINAFA
Autor: Pedro Roca. Restaurante Pedro Roca (Santiago de Compostela)
Ingredientes:
800 gramos de requeixo da Capela
500 gramos de pasta Kataif
50 gramos de manteiga de A Capela derretida
100 gramos de pistachos pelados e torrados
2 claras montadas a punto de neve
150 gramos de azucre
2 decilitros de auga
a pel dunha laranxa
2 culleradas de auga de azahar
follas de hortelá
azucre glasé
Preparación
Desfacer a madeixa de pasta kataif procurando non romper os fíos. Mesturar coa manteiga derretida e forrar un molde ou unha bandexa que despois se poida levar á mesa coa metade da pasta estirándoa ben e tapando o fondo.
Montar lixeiramente o requeixo e incorporarlle as claras montadas. Depositar a mestura sobre a pasta do molde e cubrila coa outra metade de pasta kataif, encerrando totalmente a mestura de requeixo e claras.
Meter no forno quente a 200º ata que estea dourada.
Mentres facer un xarope co azucre, a auga, a pel de laranxa e a auga de azahar.
Montaxe
Unha vez sacada a kinafa do forno móllase co xarope, poñense os pistachos encima, espolvorease con azucre glasé e decórase cunhas follas de hortelá.
