A presentación do libro “Receitas con requeixo” realizouse hoxe nas instalacións da Cooperativa Campo Capela, con presenza de numerosos socios e autores de receitas. Para o acto contamos coa asistencia do Presidente da Deputación Provincial da Coruña, Salvador Fernández Moreda, que se declarou partidario do requeixo de A Capela sen máis engadido que un pouco de azucre.
Na presentación tamén participaron o Alcalde de A Capela, Ángel López Sueiro, a Presidenta da Cooperativa, Manuela Permuy, e o coordinador do libro, o xornalista e escritor gastronómico Miguel Vila.
Tódolos autores de receitas participantes no libro recibiron un diploma acreditativo.
Ao remate do acto serviuse un viño acompañado de petiscos elaborados con produtos da Cooperativa.
Foto: www.dicoruna.es
“Receitas con requeixo“, o libro editado pola Cooperativa Campo Capela, recolle 32 receitas nas que o requeixo é un dos ingredientes fundamentais, ofrecendo unha ampla selección de receitas doces e salgadas, ademais do uso tradicional do mesmo.
